ВИДЕО: Разорен земјотрес на Тибет – над 50 загинати и десетици ранети

Најмалку 53 лица загинаа, а 62 се повредени по силен земјотрес што во вторникот наутро го погоди планинскиот регион на Тибет во Кина, јавува Би Би Си.

Земјотресот што го погоди тибетскиот свет град Шигаце околу 09:00 часот по локално време (01:00 часот по Гринич) бил со јачина од 7,1 степени според Рихтеровата скала и длабочина од 10 километри, според Американскиот геолошки институт, кој исто така покажал серија земјотреси во областа.

Strong 7.0 earthquake that hit Tibet region made significant damage.
Earthquake was widely felt in Nepal and India.#earthquake #sismo #temblor pic.twitter.com/eKVICcvWB0

— Disasters Daily (@DisastersAndI) January 7, 2025

Земјотресите се почувствувани и во соседен Непал и делови од Индија.

Шигатсе е седиште на Панчен Лама, една од најважните фигури на тибетскиот будизам, чиј духовен авторитет е втор по Далај Лама.

Југозападните делови на Кина, Непал и северна Индија често се погодени од земјотреси предизвикани од судирот на индиската и евроазиската тектонска плоча.

Во голем земјотрес во кинеската провинција Сечуан во 2008 година загинаа речиси 70.000 луѓе, додека земјотрес со јачина од 7,8 степени според Рихтеровата скала го погоди Катманду во 2015 година, при што загинаа околу 9.000 луѓе, а илјадници беа повредени во најтешкиот земјотрес во Непал