Во стомак на куче лекари пронашле 24 чорапи, марама, влошка

Ветеринарите во Центарот „Корона“ за итни случаи за животни во Калифорнија (САД), неодамна извадиле 44 одделни предмети од стомакот на куче. Од нив, 24 биле чорапи, пишува „Ел-еј тајмс“ (LA Times).

Сопственикот на седуммесечното женско планинско куче Луна, забележале дека таа не се чувствува добро, па ја однеле во ветеринарниот центар. На 16 февруари, ветеринарите во Ургентниот центар ѝ извршиле абдоминална операција на кучката. Освен чорапите, лекарите извадиле и: шал, две ленти за коса, влошка за чевли и неколку други платнени предмети.

„Доколку се сомневате дека вашето куче проголтало нешто необично, не чекајте и побрзајте да повикате ветеринар“, нагласија вработените во „Корона“.

По операцијата, Луна е вратена дома. Ветеринарите велат дека имала среќа што преживеала ваква тешка и сериозна процедура, пренесува „Дневни аваз“ (Dnevni avaz).

Семејството на кучето веќе има и план за превенција на идни вакви несакани појави. Тој вклучува надзор на кучето и работа со тренер, коишто треба да ѝ помогне на Луна да го надмине јадењето нејадливи предмети и да развие добри навики