Вучиќ: Кога Косово ќе ја формира ЗСО, тогаш ние ќе го исполниме нашиот дел од обврските

Претседателот на Србија, Александар Вучиќ, денеска изјави дека Србија ќе го исполни својот дел од обврските од дијалогот со Приштина, но не пред другата страна да ја формира Заедницата на српски општини што е предвидено со Бриселскиот договор.

epa10424632 Serbia’s President Aleksandar Vucic attends a Serbian cabinet meeting in Belgrade, Serbia, 23 January 2023. Vucic joined Prime Minister Ana Brnabic and her cabinet for a special session on Kosovo to talk about current international brokered dialogue for the normalization of relations between Serbia and Kosovo. Kosovo declared its independence from Serbia in 2008. EPA-EFE/ANDREJ CUKIC

„Нема игра во врска со тоа. Мора да го исполните, и само кога ќе го исполните, тогаш ние ќе го исполниме нашиот дел. Можеби како гест на добра волја ќе направиме нешто еднострано, но тоа нема никаква врска со вашата обврска целосно да го исполниме тоа, за дури потоа да направиме се останато“, изјави Вучиќ, пренесе Бета.

По средбата со министерот за надворешни работи на Шведска, Тобијас Билстром, тој рече дека денеска се зборува дека Албанците треба „да започнат процес на формирање на ЗСО“, а Србија веднаш да исполни „се што ќе им текне“.

„Не, работите одат вака: денеска се навршуваат 10 години од усвојувањето на Бриселскиот договор, ја формирате ЗСО со суштински овластувања, а кога тоа ќе го направите, Србија ќе си го одржи својот дел од работата“, рече Вучиќ.

Back to top button
Close