Заедничка владина седница на С Македонија и Косово утре во Скопје

Договорите, како што информираше на денешната прес-конференција владиниот портпарол Муамет Хоџа, се од областа на инфраструктурата, дијаспората, енергетиката, економијата, туризмот безбедноста, иновации и технолошки развој и други области.

Владата на вчерашната 106. седница ги утврди пакет договорите и меморандумите за соработка со Косово, кои се предвидени да бидат потпишани на заедничката седница.

„Оваа информација произлегува како резултат на ангажманот на работната група составена од претставници од двете влади. Целта е да се задржи континуитетот во развивањето на добрососедските односи, имајќи предвид дека вакви седници беа одржани и со другите соседни земји“,

рече Хоџа.

Придобивките, посочи тој, од средбите се подобрување на трговската размена, подобра комуникација на граѓаните и бизнисот од двете страни, проекти од заемен интерес и подобра меѓугранична соработка.