Анкетата за креирање на идеи и проекти за подобар живот во Општина Центар завршува в среда

Остануваат уште два дена до завршување на анкетата за креирање на идеи и проекти за подобрување на животот во Општина Центар.

Општина Центар и градоначалникот Саша Богдановиќ ги повикуваат сите жители да се вклучат, да го одговорат анкетниот прашалник и сите заедно, да ја направиме Општина Центар подобро место за живеење.

Веднаш по завршувањето на анкетата, в четврток и петок (3.12. и 4.12.) ќе се одржат и буџетските форуми.

Поради состојбата со КОВИД 19 пандемијата, оваа година граѓанските буџетски и проектни форуми ќе се одржат онлајн, а учество ќе можат да земат сите жители на општината и со дебата и дискусија, да предложат дополнителни проекти и истите по важност да ги приоретизираат.

Седма година Општина Центар ги организира и реализира граѓанските буџетски и проектни форуми, на кои граѓаните преку свои предлози, идеи и проекти учествуваат во креирањето на буџетот на општината и подобрување на условите за живот и престој.

Граѓаните анкетниот прашалник можат да го најдат на општинската веб страна, на линкот: https://docs.google.com/forms/d/e/1FAIpQLSdzux5wQGr3xceL2PSgtGy6Nd8sp4-och_ylPtFVfTD4K4kfg/viewform?vc=0&c=0&w=1&flr=0