Пожар во кругот на „Охис“, сообраќајот за Драчево пренасочен преку Лисиче

– Затворен е патот кон Драчево поради пожар во кругот на фабриката „Охис“, а сообраќајот е пренасочен преку Лисиче.

Од Центарот за управување со кризи (ЦУК) попладнево на прес-конференција само потврдија дека пожар има, но детали рекоа дека ќе соопштат подоцна.

Засега не е позната причината за избувнувањето на пожарот.

На терен се четири противпожарни возила.

Според ЦУК, во Скопје до 16 часот се регистрирани 18 пожари.