Убиен напаѓачот од Брисел

Бриселската полиција во утрово го застрела мажот осомничен за убиството на двајца шведски фудбалски навивачи во терористички напад вчеравечер, изјави белгиската министерка за внатрешни работи Анелис Верлинден говорејќи за белгиското радио.

Верлинден рече дека чека повеќе информации од полицијата. Таа не потврди дали осомничениот е жив или мртов.

На прес-конференција во вторник наутро во 5 часот, белгискиот премиер Александар Де Кро рече дека осомничениот е „маж со туниско потекло“, кој „илегално престојувал во нашата земја“.

Идентификацијата допрва треба да потврди дека станува збор за напаѓачот, во тек се отпечатоци и идентификација. Но, голема е веројатноста дека тој е сторителот, бидејќи таму е пронајдено и оружјето со кое наводно биле извршени нападите, изјави министерката за внатрешни работи Анелизе Верлинден.

„Оружјето со кое наводно биле извршени нападите е пронајдено утрово на местото каде што е пронајден маж во Шербек. Тоа ја зголемува веројатноста дека сторителот е фатен. Сега земаме отпечатоци од прсти за да бидеме 100 отсто сигурни“, се вели во полициското соопштение.