ГРОМ, ПЦЕР и Интегра ја формираа коалицијата „Храбро за Македонија” – немало да поддржат уставни промени ниту пред ниту по изборите

Во пресрет на изборите се формира нова коалиција помеѓу политичките партии ГРОМ- Граѓанската опција за Македонија, Интегра, Македонска конзервативна партија и ПЦЕР – Партијата за целосна еманципација на Ромите. Воедно беа промовирани и носителите на нивната коалиција.

„Нашата коалиција се вика „Храбро за Македонија“, покажуваме храброст на овие домашните што се спремни се да направат да останат на власт. Да им се спротивставиме и на вторите кои се спремни уште повеќе да предадат после изборите. Оваа коалиција не предава ништо ниту пред избори ниту после избори. Промена на устав, разговор за јазик и идентитет, „но пасаран“ истакна Јакимовски.

Носител на коалицијата во изборнат единица 1 ќе биде д-р Добрила Андоновска, специјалист за пластична хирургија, во 2 изборна единица ќе се трка професор д-р Љупчо Ристевски, во изборна единица 3 ќе биде д-р Јордан Николов, доктор по ветеринарна медицина, во четворката носител е Ружица Николова, менаџер, во изборна петка носител е Самка Ибраимовски, диполомиран економист, а во изборна единица број 6 ќе биде Зоран Софревски, електротехничар од Гостивар.