Хамас: Израел вечерва од Црвениот крст ќе прими останки на уште тројца заложници во Газа

Израел соопшти дека Црвениот крст вечерва ги примил останките на тројца израелски заложници во Појасот Газа и дека тие ќе бидат предадени на израелската армија, објавија светските агенции.

Во соопштението од палестинската милитантна група Хамас се наведува дека останките биле пронајдени во понеделникот во тунел во јужна Газа.

Откако прекинот на огнот во Газа стапи на сила на 10 октомври, палестинските милитанти ги предадоа останките на 17 заложници, а уште 11 се останати во Газа, јавуваат американските медиуми.

Милитантите предаваат по едно или две тела на секои неколку дена. Израел инсистираше на побрзо предавање на телата, а во некои случаи тврдеше дека останките не се на заложници.

Хамас соопшти дека работата за враќање на телата е попречена од широко распространетото уништување во Појасот Газа.