Апсолутно немам поим која е оваа жена:Трамп по пресудата !

Откако федералната порота на Менхетен денеска донесе одлука дека Доналд Трамп сексуално ја нападнал писателката Елизабет Џин Керол во 1996 година, поранешниот американски претседател се огласи на социјалната мрежа „Вистина“.

– Апсолутно немам поим која е оваа жена. Пресудата е срамна – продолжување на најголемиот лов на вештерки на сите времиња – напиша Трамп.

– Демократите се партија на дезинформации. Кога ќе кажат нешто, тоа обично значи спротивно, како во случајот со претстојните избори во 2024. Велат дека сакаат Трамп да им биде противник, но не го мислат тоа. Жестоко ме гонат по сите судови затоа што не сакаат да се натпреваруваат со мене – напиша тој на „Вистина“, и додаде:

– Двапати победив, вториот пат имав подобар резултат, а сега ќе го сторам тоа по третпат – додаде Трамп.

Тој денеска беше прогласен за виновен од поротата во граѓанската тужба што Керол ја поднесе против него. Таа го тужеше за клевета и поради неговата изјава од 2022 година со која ги негираше нејзините наводи за сексуална злоупотреба.