Бројот на жртви во уривањето на кров во ноќен клуб во Доминиканската Република се зголеми на 231

Бројот на загинати во уривањето на покривот на ноќниот клуб во Санто Доминго се искачи на 231, изјави денеска министерот за внатрешни работи на Доминиканската Република Фариде Рафул.

Трагедијата се случи пред една недела во преполниот ноќен клуб „Џет сет“, за време на концерт на пејачот Руби Перез, кој е меѓу загинатите.

Рафул појасни дека на лице место биле регистрирани 221 жртва, а уште 10 починале подоцна во болниците.

Повеќе од 4.500 работници за итни случаи беа распоредени на местото на настанот, работејќи речиси 59 часа по трагедијата за да бараат преживеани, да ги извлечат телата и да им помогнат на семејствата.

Од урнатините беа спасени 189 лица.

Оперативниот центар за вонредни состојби (ЦОЕ) соопшти дека клубот бил преполн, иако точниот број на присутни не е познат, а причината за уривањето сè уште е под истрага