Денеска 285 нови случаи, петмина починале

Министерството за здравство соопшти дека од 2.667 тестирања, денеска се регистрирани 285 нови случаи на ковид-19. Починати се 5 лица, а оздравеле вкупно 328 пациенти.

Најмногу новозаразени има во Скопје – 110, потоа Битола – 30, Прилеп – 24, Кочани – 20, Велес – 17, Куманово – 16, Тетово – 10, Кавадарци – 9, Гевгелија – 8, Неготино – 7, Ресен – 5, Штип, Охрид, Кичево и Свети Николе – по 4, Демир Хисар и Пехчево – по 3, Богданци – 2, Струмица, Делчево, Виница, Пробиштип и Кратово – по 1.

Од петте смртни случаи регистрирани во последното деноноќие, двајца пациенти биле од Скопје (72г и 91г) и двајца од Велес (72г и 87г), додека едно починато лице е од Берово (79г). Од пријавените лица сите се починати во болнички услови.

Бројот на активни случаи на коронавирус во земјава изнесува 8. 549.