ИТНО ПРЕДУПРЕДУВАЊЕ ЗА ГРЦИЈА, ПОЧНУВА НЕВРЕМЕТО: Eве ги упатствата за сите што се таму
.На граѓаните на Солун, Лариса и другите области во северна Грција им стигна предупредување во вид на СМС порака за итни случаи поради невремето што се очекува во текот на денов.
Во пораката е наведено дека временските неприлики, како град и грмотевици се очекуваат во текот на денот, пренесува весникот Kathimerini.
Во предупредувањето се наведува дека во текот на невремето би требало да се избегнува поминување под големи дрва и поставени знакови, да се исклучат електричните уреди или телефоните, затоа што громовите можат да поминат низ жиците, и да се одбегнува допирање на водоводните цевки, затоа што и тие се проводници на струја.
Се додава и советот, ако некој се најде на отворено да не се приближува на метални предмети како што се автомобили, а ако е некој во морето веднаш да излезе.
Туристи во групата „Грчка инфо“ на Фејсбук споделија фотографии од небото над туристичкото место Сарти каде се формира мини-торнадо. Грција денеска очекува страшно невреме. На граѓаните и на туристите во Солун, Ларис и Северна Грција вчера им беше испратена СМС порака.
Луѓето во групата коментираат дека ако имате број на грчка картичка веќе се стигнати предупредувањата.
Хаосот веќе започна. Во Сарти небото стана црно, а облаците изгледаат катаклизмично. Според туристите, иста е состојбата во Полихроно и Пефкохори.
Министерот за климатски кризи и цивилна заштита Василис Кикилијас вчера зборуваше за очекуваното невреме.
Српските туристи кои моментално престојуваат во Грција преку социјалните мрежи веќе почнаа да споделуваат фотографии и видеа од претстојното невреме, а хаосот започна во мугрите.
Според прогнозите, најголеми проблеми ќе се појават во утринските часови на Халкидики и соседните области (односно јужните области на областите Солун, Сер, Кавала и Споради), додека од пладне до доцна навечер појавите ќе се прошират на Фтиотис, Фокида, Воотија, Атика, Коринтија и Арголис.
„Посебно внимание е потребно поради ова невреме, особено во врска со молњите на копно и на море. За подобри информации за заштита од гром, граѓаните можат да ја посетат веб-страницата на Цивилната заштита“, се додава во изјавата на министерот.
„Фактот што до вчера имавме големи пожари, а утре ќе се соочиме со екстремни дождови, покажува колкава е климатската криза што сега ја доживуваме во нашата земја“, рече Кикилијас.
Наскоро ќе се состане и Координативниот комитет за цивилна заштита, така што во максимална подготвеност ќе бидат Противпожарната служба, крајбрежната стража, ЕЛАС, секако и вооружените сили и локалната самоуправа од прво и второ ниво, се заклучува во соопштението.
„Избегнувајте преминување на порои и потоци, пеш или со возило, за време на невреме и врнежи, работа и активности на отворено. Треба да избегнувате да поминувате под големи дрвја и поставени знаци. Не држете ги вклучени електричните апарати или телефоните, бидејќи молњата може да помине низ жици. Избегнувајте допирање на водоводни цевки (кујна, бања), бидејќи тие се струјни спроводници“, се наведува во предупредувањето.
Исто така, се додава дека ако некој е на отворено за време на невреме, советот е да се држи подалеку од метални предмети, како што се автомобили, велосипеди или опрема за кампување и дека ако некој е во морето, веднаш да излезе.
Невреме се очекува и во Тесалија, Островите Споради, централна и источна Стереа (вклучувајќи ја Атика), источен Пелопонез и Евија.
Како што јавува ЕРТ, врнежи и невреме се предвидуваат во централните, источните и северните предели, а од вечер се очекува постепено слабеење.
.
