На директорот на Радио-телевизија Подгорица му е забранет влез во Србија

На директорот на Радио-телевизија Подгорица, Владимир Оташевиќ, ноќеска му е забранет влез во Србија на граничниот премин Гостун, објави Радио-телевизија на Црна Гора, повикувајќи се на решение на српската Гранична полиција за одбивање влез.

Според документот, Оташевиќ пристигнал на граничниот премин еден час по полноќ, по што, по извршената гранична контрола, му бил одбиен влезот во Србија.

Во решението е наведено дека влезот може да биде одбиен кога тоа го налагаат „причините за заштита на безбедноста на Србија и на нејзините граѓани“.

Оташевиќ изјави дека е изненаден од одлуката да не му биде дозволен влез во Србија.