Нејмар го загуби случајот против Барса – мора да враќа милиони
Sвездата на Пари Сен Жермен, Нејмар ја загуби судската постапка што ја поднесе против Барселона, барајќи бонус од 43,6 милиони евра. Наместо тоа, судот во Каталонија донесе одлука дека напаѓачот треба да врати на неговиот поранешен тим 6,7 милиони евра, што не требал да ги земе. Одлуката може да се обжали до повисок суд.Тврдењата на Бразилецот беа за сума што требаше да му се пренесе како бонус при потпишувањето на неговиот последен договор со клубот од Ла Лига. Неколку месеци откако го иницираше својот нов договор, летото 2017 година, Неј се пресели во ПСЖ.
Од „Камп Ноу“ одбија да му ги платат засегнатите 26 милиони евра со образложение дека договорните односи меѓу двете страни се прекинати заради неговата експлицитна желба да замине за Франција. Тогаш Барса не даде дозвола за трансфер, но ПСЖ ја активираше откупната клаузула од 222 милиони евра.
Тогаш Нејмар и неговиот татко, кој е негов агент, го зголемија своето побарување на 43,6 милиони евра, но клубот одговори со финансиски побарувања за 75 милиони евра поради изгубена добивка.
