Откриени 114 коруптивни кривични дела од јануари до октомври, најмногу кај јавните претпријатија и администрацијата
Има сериозно намалување на криминалот односно на вкупните кривични дела во државата во периодот јануари до октомври годинава во однос на истиот период лани. Во наведениот период годинава регистрирани се 19. 282 кривични дела, додека 19.370 лани, информира министерот за внатрешни работи Оливер Спасовски во гостивање наУтрински брифинг.
Целосно се расчистени 11.745 кривични дела, а стапката на откривачката дејност е 60,91 процент. Сузбиени се и седум организирани криминални групи во дадениот период, подвлече Спасовски, од кои пет за недозволена трговија со дрога, и по една за криумчарење миграни и бесправна сеча на шума.
Според министерот Спасовски, зборуваме многу за справување со корупцијата, но ако не ги прикажеме резултатите, истакна, немаме впечаток дека се преземаат одреденеи мерки.
И во однос на корупцијата, наведе Спасовски, забележано е зголемување на откривачката дејнсот за 58, 3 проценти во споредба со истиот период лани. Откриени се во овој период 114 кривични дела од областа на корупцијата, најголем процент заземаат злоупотреба на службрената должност и овластување, некаде околу 72 кривични дела, а најмногу се однесуваат на јавните претпријатија, на администрацијата.
За Спасовски крадењето електрична енергија не е нешто што сега ни се случува, туку можеби се актуелизира во овој момент, а постоела и претходно.
Тој информира дека МВР на само подрачјето на СВР Скопје регистрирани се 41 кривично дело за 2021 година, поднесени се 40 кривични пријави за кражба на електрична енергија против 45 сторители. Од извршени дополнтиелни проверки, утврдено е дека три кривични дела се извршени од четворица сторители за кражба на електрична енергија со приклучување на компјутерската опрема на електричната мрежа во периодот јануари – октомври 2021 година, во однос на ископување криптовалути, а остатокот се кражба на електрична енергија.
Спасовски предупреди дека сајбер криминалот е сериозен предизвик од понов датум, што, како што рече, нема да биде решен многу брзо, ниту ќе се создадат механизми кои ќе го искоренат. Потсети дека во изминатите неколку години систематски и стратешко се постапува во однос на сајбер криминалот во МВР, во посебен оддел, каде има добра опрема. Сепак, нагласи дека посебно во делот на информатиката и форензика на тие информатички системи недостасуваат луѓе и потребно е зајакнување на овој оддел во МВР, како и повисока поставеност во однос на препознавањето на кривичните дела од областа на сајбер криминалот.
