Почина Џими Картер, поранешен претседател на САД

Поранешниот претседател на САД, Џими Картер почина на 100-годишна возраст, потврди центарот Картер кој тој самиот го основа.

Картер живеел подолго од кој било друг претседател во историјата, откако во октомври го прослави својот 100-ти роденден.

Центарот Картер соопшти дека тој починал во неделата попладне во неговиот роден град Плејнс во Џорџија.

Демократот беше претседател од 1977 до 1981 година. Откако ја напушти Белата куќа со низок рејтинг, репутацијата му се врати преку хуманитарна работа, а потоа ја доби и Нобеловата награда за мир.