Само што почна собраниската седница за гласање на доверба на Владата, спикерот Талат Џафери побара пауза од 10 минути. Во салата се присутни само 60 пратеници од опозицијата. Фали пратеникот на Беса, Кастриот Реџепи. Брифинзите од опозицијата се дека телефоните на Реџепи се исклучени а во двата стана нема никого.

Пратениците од владејачкото мнозинство не влегоа, што значи дека СДСМ и коалицијата тестот за новото мнозинство го прави преку кворумот.

Седницата се одржува во куполата, без прусуство на медиумите, бидејќи новинарите немаат пристап во таа сала. Објаснувањата се дека во пленарната сала „Македонија“ се вградува нов систем за гласање.