Украина и Русија договорија девет хуманитарни коридори за евакуација на цивилно население

11.04.2022 12:01
70 Читање помалку од 1м

Украинци ќе ги напуштат опколените источни региони, откако за денеска се договорени девет хуманитарни коридори од украински и руски официјални лица.

Рутите ќе се користат за евакуација на луѓе од Мариупол, како и други југоисточни градови до Запорожје, но и за жители од регионот Луганск до Бахмут.

Украинските власти ги засилија своите напори да евакуираат жители и од Донбас, додека воената офанзива на Русија се префрла на исток од земјата.

Претходно, болнички воз управуван од медицинската добротворна организација Лекари без граници, евакуираше 48 ранети пациенти во Лавов на запад.

Back to top button
Close