(ВИДЕО) Караисмаилоглу му удри шлаканица на Бозан – Се степаа пратеници во турскиот парламент

25.07.2024 09:58

772 Читање помалку од 1м

Турскиот парламентот на Турција се претвори во бојно поле откако изби тепачка меѓу пратениците на владејачката Партија на правдата и развојот (АКП) и прокурдската Партија на народна демократија и еднаквост (ДЕМ). На расправа пред пратениците беше предлог-закон за реформа на даночниот систем.

Пратеникот Али Бозан од прокурдската партија го нарече поранешниот министер за транспорт, Антил Карајмаилоглу, „крадец“.

#SONDAKİKA | Eski Ulaştırma Bakanı ve AK Parti milletvekili Adil Karaismailoğlu, “hırsızsınız” diyen DEM Parti Milletvekili Ali Bozan’a TBMM’de yumruk attı. pic.twitter.com/tUeTJJqlTR

— BPT (@bpthaber) July 24, 2024

„АКП систематски краде од работници, државни службеници и пензионери преку турската статистичка служба. За жал, гласовите на работниците и пензионерите не се слушаат, но сакам оттука да викнам од името на граѓаните на кои им се краде платата од џебот: Има крадец, има крадец, има крадец, има крадец! АКП краде, АКП краде, АКП краде!

Тогаш Караисмаилоглу, губејќи ја самоконтролата, му удрил шлаканица на Бозан, го фатил за јакната и потоа го удрил. Пратениците на кемалистичката Републиканска народна партија (ЦХП) се обидоа да ги спречат инцидентите, но пратениците на АКП продолжија со тупаници и клоци да го удираат Бозан.

Поради инцидентот, пленарната седница беше прекината за 40 минути.