(ВИДЕО) Припадник на ИД признава дека за 5.000 евра прифатил да го направи масакрот во Москва
Видеото трае две и пол минути; на снимката, човекот се претставува, го дава својот датум на раѓање и тврди дека добил инструкции преку Телеграм, каде што „ја слушал лекцијата на проповедникот“, а помошникот на проповедникот го контактирал пред околу еден месец.
За нападот на човекот му биле ветени околу 500 илјади рубли (5.000 евра) , кои требало да му бидат префрлени на картичката, вели тој во видеото, во кое тврди дека е таксист.
Телеграмските канали База и „Внимание, вести“ напишаа дека за терористичкиот напад се осомничени државјани на Таџикистан. Тие објавија податоци за четири лица, меѓу кои Исмолов, Насридинов и Назаров.
Публикую полную версию допроса упыря. Пол-ляма, ‘чтобы стрэлат лудэй лубых’.https://t.co/PcH8RMLCXi
— Маргарита Симоньян (@M_Simonyan) March 23, 2024
Шефот на Советот за информатичка политика на Државната дума, Александар Хинштајн, изјави дека двајца осомничени се приведени во областа Брјанск, а во автомобилот што го возеле биле пронајдени таџикистански пасоши. ФСБ и Истражниот комитет подоцна објавија и приведување на четворица можни учесници во терористичкиот напад. Одделот не го прецизира државјанството на приведените.
🚨🇷🇺 Another Moscow terrorist was just captured in the Bryansk region. pic.twitter.com/71UaNT1tWw
— Jackson Hinkle 🇺🇸 (@jacksonhinklle) March 23, 2024
Министерството за надворешни работи на Таџикистан соопшти дека не добиле потврда од руските власти за „лажните информации кои моментално кружат за вмешаност на таџикистански граѓани“.
Ројтерс и Њујорк Тајмс напишаа дека терористичката организација Исламска држава, забранета во Русија, ја презеде одговорноста за нападот врз Крокус, кој се случи вечерта на 22 март. Според нив, станува збор за огранок на групата Вилајат Хорасан (исто така призната како терористичка и забранета), или ИСИС-К. Многу земји, вклучително и Таџикистан, го осудија нападот и испратија сочувство до Русија.
