Владата на седница во моментов одлучува дали ќе има карантин за Скопје, Тетово, Штип и Куманово од утре во 21 до понеделник до 05 часот

Во моментов Владата на седница одлучува по препораките од Комисијата за заразни болести за евентуално воведување на полициски час во престојниот продолжен викенд.

Веднаш штом стигне одлуката ќе информираме на Либертас.мк.

Комисијата за заразни болести на денешниот состанок донесе предлог да биде воведен полициски час во Скопје, Штип, Куманово со Липково и Тетово од утре во 21 часот до понеделник наутро во 05 часот.

Во останатите градови се предлага полицискиот час да биде од 16 часот до 5 часот наутро, секој ден.

Предлогот на Комисијата ќе биде доставен до Владата и Кризниот штаб за утврдување на следните чекори на делување.

На состаникот, кој го свика министерот за здравство Венко Филипче беа присутни членовите на Комисијата за заразни болести, претставници на локални Центри за јавно здравје и претставници на Министерството за внатрешни работи.

Back to top button
Close