Албански студенти од целиот регион денес ќе се соберат во Скопје за да протестираат против неможноста за полагање на правосуден испит на албански јазик.

Се очекува протестот да започне во 16:30 часот, објавува Кљан Косова. Студенти од Македонија, Косово, Албанија и други албански региони ќе учествуваат на митингот, барајќи овој испит да се одржи на албански јазик.

Протестот ќе се одржи под слоганот „Придружете им се на студентите – сите како едно“, а организаторите повикаа на најголемо можно учество на граѓаните. „Заедно пред Камениот мост за нашиот јазик“, велат студентите во соопштението, нагласувајќи ја важноста на заштитата на употребата на албанскиот јазик во професионалните и институционалните процеси.