Белата куќа: Договорот за минерали меѓу САД и Украина не е потпишан

Договорот за ретки минерали предложени од САД меѓу САД и Украина не е потпишан, соопшти портпаролот на Белата куќа, јави Би-Би-Си.

Претходно денеска, американскиот претседател Донал Трамп рече дека двајцата ќе го потпишат за време на нивната заедничка прес-конференција, која сега е откажана.

Извор од Белата куќа претходно потврди дека украинскиот претседател Володимир Зеленски предвреме ја напуштил Белата куќа. Информацијата дојде по жестоката расправија меѓу Трамп и Зеленски пред новинарите во Овалната соба.

Трамп на социјалните мрежи напиша дека украинскиот претседател Володимир Зеленски може „да се врати кога ќе биде подготвен за мир“.