Ефкоски: Сите бараат ТОП здравство, а никој не ја гледа позицијата во која се наоѓа основата за истото – РАБОТНИЦИТЕ во здравствениот сектор!!

Сте слушнале ли за држава во која лекар се наоѓа рангиран на 161 место по нето месечна плата? Медицинска сестра на 502-ра позиција по плата? Да тоа е нашата Македонија!

Сите бараат ТОП здравство, а никој не ја гледа позицијата во која се наоѓа основата за истото – РАБОТНИЦИТЕ во здравствениот сектор!!

Не би пишувал, но ме испровоцира муабет на уметнички работник во кој говори дека имале мали плати, работник во гардеробер им земал 24-25000 денари плата, глумец земал 40000 денари, па на тоа и ми се појави на ФБ објава во која се бара Келнер/ки за плата 32000 денари, собарки со почетна плата 30000, салатерки со 35000 и кувар за 60000 денари.

Немој да ми се нафрлите, не велам дека не треба да земаат плата и поголема сите кои живеат и работаат во Македонија.

Но, како не би се чуделе зошто државава утре нема да има доволно здравствени работници ( уште помалку квалитетни), погледнете колку се платени и ценети во нашава држава.

Ниту еден високо образуван профил на здравствен работник не се наоѓа на листата топ 20 НАЈДОБРО платени работни позиции во Македонија.

Во топ 20 НАЈЛОШО платени во Македонија се наоѓаат асистенти на професори во медицинско училиште, санитар – болничари и хигиеничари.

Да биде појасно еве и текст за сликите во овој пост:

Доктор по медицина со повеќе од 10 години работен стаж заработува 31.000 нето месечна плата.

Во исто време:

Административен работник Јавен службеник заработува 32.500 денари нето плата со 6-10 години работен стаж.

Сервисер во автомобилска индустрија заработува 34.500 ден.

Правник заработува 44000 денари.

Оператор на машина во електроиндустрија 32000 денари.

Маркетинг менаџер со само 1-2 години стаж 33250 денари, итн.

Како би била целосна сликата за тоа колку се цени трудот и заложбата на здравствените работници:

Мединска сестра е рангирана на 502 место во Македонија по плата, веднаш по оператор во контакт центар.

Доктор по медицина е на 161 место веднаш по претставник за продажба во трговија.

Има ли потреба од дополнителен муабет?

Илчо Ефкоски