Максимални 3:0 за македонските одбојкари во Приштина против Косово

Македонската одбојкарска репрезентација ја постигна третата победа во Европската лига оваа сезона откако вечерва во дуелот од 5.коло го совлада Косово со 3:0 во сетови (25:12; 25:19 и 27:25). Со овој триумф македонскиот тим ја потврди фаворитската улога во овој натпревар.

Првиот сет македонските одбојкари го добија на убедлив начин со 25:12, а во вториот беше 25:19. Сепак во третиот имаше многу повеќе неизвесност. Противникот имаше постојано водство 14:8, а потоа и 23:17 (во два наврати по шест разлика). Но, избраниците на селекторот Јошко Миленкоски направија серија од 6-0 за изедначување 23:23, до крајот на сетот македонските одбојкари беа поуспешни со 4:2 и сетот го добија со 27:25.

Утре (сабота) во 20 часот македонската одбојкарска репрезентација ќе игра против Израел, селекција има максимален ефект четири победи на четири натпревари.