Срамовите на ОЈО за Гокк како опасна вест

Точната и навремена информација е опасна работа. Опасна во позитивна смисла.

За инфомацијата и за податокот многу се зборува во предавањата на нашиот факултет за безбедност. Кога кажуваме што се може да направи една точна и благовремена информација во сферата на безбедноста (во позитивна слисла), мораме да кажеме што се може да направи една дезинформација или полувистина (во негативна смисла) или пак „продадена информација за криминален интерес“ Жртви на второто и третото сме сите ние граѓаните – директно или индиректно. Ќарот од ова е во џебовите на оние кои менаџираат во “вистината”, односно со информациите и дезинформациите.

Ова е тактика на ПР-от во односите со јавноста, но и на „операции“ од друг тип Медиумите се само една алка во тој систем кој во зависност од целта – дали се информира или се дезинформира.

Кога зборувам за антисистемот и извршителите на мафијата, тука сигурно дека вистината се чува под тепих и чека „усисувач“ или „добра домаќинка“ кои секогаш доаѓаат.

Напишав зошто на рочиштето во „фатаморгана случајот за Меѓународен сојуз“ кое се оддржа на 28.05.2021 година немаше медиуми да ги пренесат фактите кои одат компетно против ОЈО за ГОКК и ја потврдуваат „технологијата на креирање фатаморгана обвиненија“.

За да биде фатаморганата комплетна, а менаџирањето со вистината потврдено, вчера најавив дека ќе напишам зошто повторно бледо помина информацијата за вчерашното рочиште на која се разгледуваше и одлучуваше за мојата листа на докази на Суд. Точно е дека еден новинар беше присутен, но факт е дека сите медиуми објавија скоро иста „посна“ информација за исходот од рочиштето.

Што беше важно вчера што беше кажано од моја страна, од страна на ОЈО за ГОКК и Судот

Прво, да бидеме на чисто.

ЈАС (Фросина Ременски) НЕ ПРЕДЛАГАМ ДОКАЗИ ЗА ДА ПОБИВАМ ДОКАЗИ НА ОЈО ПРОТИВ МЕНЕ ВО СЛУЧАЈОТ – зошто ОБВИНИТЕЛСТВОТО НЕ ПРЕДЛАГА ДОКАЗИ ПРОТИВ МЕНЕ КОИ ЈАС МОЖАМ И ТРЕБА ДА ГИ ПОБИВАМ

Второ, во ваков привид на случај (кој не постои во кривично-правна смисла-фатаморгана ), во кој сум ставена без опис и докази за некакви дејствија на „помагање во измама“ кои наводно сум ги сторила (), потенцираниот и неспорен углед и авторитет и за впечаток (како релативна, субјективна категорија), МОЖЕВ ДА НЕ ПРЕДЛАГАМ НИКАКВИ ДОКАЗИ Можев, зошто ОЈО и до сега и од сега не докажа дека, сум сторила некакво незаконско дејствие

Но, бидејќи провејува мислењето дека „треба да ја докажам својата невиност“ наместо „ОЈО да ја докажува мојата вина“, ПРЕДЛОЖИВ ДОКАЗИ КОЈА СОДРЖИ ФАКТИ ЗА АНТИ-ПРАВНАТА ЛОГИКА И ЗЛОУПОТРЕБИТЕ НА ОБВИНИТЕЛСТВОТО

Вчера ЈО Ивана Трајчева се противеше да бидат изведени поголем дел од моите докази. Беше прилично вознемирена и ненаспана.

Не знаеше од каде да почне да се противи. Се изненадив кога, сакајќи да изигрува „дрвен адвокат“ на СДСМ, прво што кажа е дека „се противи да се изведе “Програмата на Владата 2017-2020 и Изборната програма на СДСМ 2016 -План за живот“

Се насмеав обидувајќи се да сфатам што, од кого и кого таа (навидум ) „брани/застапува“ со ова противење, но оставив да видам до каде ќе оди „противењето на доказите“

Продолжи да се противи да се изведат веќе утврдените и изведените факти на Суд – документи за наводното „вештачење“ од Секторот за компјутерски криминал при МВР во кои пред Судот (декември-јануари) јасно се прикажаа фалсификатите и фалсификаторот Катерина Јовановска од МВР за опремата која ја „набавила“ и на која „вештачи“. За мене разбирливо беше ова промашено противење.

Таа фалсификаторка до денес е началничка во МВР.

Така амнестирана од обвинителството и од МВР за „корисниот фалсификат“ таа е екстра-подобна за „давање под рака“ на форензички копии од телефони, компјутери и што ли уште не од таму, така

Логично е дека , ако беше обвинета во Аферата АФИС-и немаше да можеше да „дава под рака“ и да глуми лудило на Суд, така

ЈО Ивана Трајчева се противеше да се изведе целокупната документација за мојата преписка со институциите (МВР, ОЈО, Љубомир Јовевски, Вилма Русковска, Наќе Чулев итн.) за докажување на незаконскиот претрес и упадот во мојот дом – постапки кои траат од 20.10.2019 година до денес. Нормално, се противеше да се изведат Извештаите од внатрешна контрола на МВР кои никогаш официјално не ги добив, а се опасни вест за ОЈО и за МВР

Впечатлив беше интересот на обвинителката „Како сум ги добила извештаите и службените белешки од претставката?“, точно наведувајќи дека „Јас тој извештај не сум го добила“.

Кажа дека таа документација била класифицирана. Судијата ја демантираше со тоа што кажа дека, дека документацијата не е класифицирана

Го искористив моето право да ја демантирам обвинителката и да го убедам Судот, да ги прифати сите понудени докази. Зборував повеќе од еден саат во судница. Еден збор и аргумент од кажаното не беше пренесен од новинарот што информираше

Кажав и Судот прифати дека:

СЕ СОГЛАСИВ изборната програма на СДСМ од 2016 година ДА НЕ СЕ ИЗВЕДЕ НА СУД (од многу причини) и „за ќеиф на обвинителката“. Од причина што изборната програма на партијата која формира Влада, станува дел од Владина програма која Судот дозволи да се изведе. Очигледно ова е надвор од дометот на „логиката“ на обвинителката.

По одлучувањето Судот го прифати овој мој предлог. Останува да логицираме зошто ЈО Ивана Трајчева имаше потреба „да го брани СДСМ на Суд“ со противење да се изведе програма што ЈАС СУМ ЈА ПРОМОВИРАЛА во кампања И (ДЕЛ) СУМ ЈА ПИШУВАЛА; или, Кому тоа се додворува

СРАМ бр. за ОЈО

Дадов широко објаснување зошто Судот не треба да го слуша негодувањето на обвинителката и зошто треба да ги прифати доказите со кои се потврдува и докажува организираното прикривање на утврдените факти за незаконскиот претрес во мојот дом под палката ЈО Вилма Русковска. Документацијата и фактите говорат дека, до денес се одвива координирана акција за покривање на „кривичните дела сторени при претрес во домот на Ременски“.

Сите дописи и преписи, добиени одговори и известувања до денес докажуваат свесно и организирано кршење на Законот за внатрешни работи и Правилникот за работа на внатрешна контрола „за да фактите не добијат видело“.

Му кажав на Судот дека ,службените белешки се дел од Извештајот од внатрешна контрола и НЕ МОРА да ги прифати

Кажав дека, подобро ќе биде ЈО Ивана Трајчева на Судот да му каже „Зошто ОЈО не сака да се изведе овој доказ?“ и „Зошто извештајот никогаш не сум го добила“? Можеби затоа што е доказ да прикривањето на кривично дело

Ја потсетив ЈО Ивана Трајчева дека, како што покажа интерес „како сум го добила извештајот “, ќе беше добро со истиот жар да праша (по искажаното во сведочење пред Суд од сведок на ОЈО), дека, „дал 350.000 евра на рака, а останатите на сметка“

Ако заштитено лице како укажувач со пријава до надлежен орган со Вас сподели факти кои лично Ве засегаат, и е сведок предложен од Вас во кривичен предме во тект, тогаш тоа не е интерес за незаконитост, туку страв од фактите за ОЈО. Но, ако некој кажува дека дал пари на рака без да плати данок на државата, тогаш тоа треба да е интерес на ОЈО

Судот по одлучувањето прифати да бидат изведени 23 списи кои одат во прилог на фактите за злоупотреби, а тоа се сите писмени кореспонденции и правни небулози околу претресот, почнувајќи од претставката, одговорите, барањата, известувања, уригенциите итн., итн., до Извештајот од внатрешна контрола што никогаш не го добив

Судот не прифати службените белешки да бидат изведени како доказ што не е страшно, бидејќи тие се дел од Извештајот на внатрешна контрола

Судот прифати да го обезбеди предметот РОПС бр.173/19 што за претресот (наводно) го работела ЈО Гордана Смаќовска, за да се види мешто „сраборила“

Судот исто така прифати, да побара информации од надлежниот орган за заштитеното надворешно пријавување по Законот за заштита на укажувачите и да обезбеди оргинална форма на документите од МВР доставени во копија (извештај, службени белешки)

Судот прифати да побара и да биде доставена информација за текот на постапката по пријава КО бр. 235/21 од ОЈО Скопје за злоупотреба на службена положба и овластување, за фалсификување на службена исправа, попречување на докажување против Вилма Русковска, Гордана Смаќовска, Лазе Велковски, дејан Андонов и други.

СРАМ бр. за ОЈО

По претходни мои писмени барања Судот ДОЗВОЛИ на главна расправа како доказ, да се изведат снимки од видео-надзорот одземен од мојот дом во незаконит претрес со напомена дека, за тоа треба да се употреби лозинката која до денес никој не ми ја побарал

Кажав дека, „вештото лице од МВР“ кое пред Суд призна дека не е вештак, при испрашување на мој технички советник (вештак-професор) кажа дека, „снимки гледале и без лозинка“- како (), но не одговори на стручното прашање „зошто снимките добиле формат кој не дозволува да бидат читливи за нас“- зошто() Одговорот е јасен.

Од нив се гледа упадот во мојот дом на чело со истражителот („главна фаца-момак за све“) на Вилма, Белкија Решити кој прв се фаќа за кваката, влегува и експресно го исклучува снимачот, мислејќи дека никој тоа не го видел и уснимал. Е така, лозинка има и снимки ќе има – ако не уништиле докази ()

СРАМ бр. на ОЈО

Ако по ова сумирам што е ефектот од рочиштето вчера, заклучувам дека тоа е уште еден пораз и делумно прикриен срам на ОЈО и сите помагатели во овој фатаморгана процес.

Фатаморганите обично се појавуваат во лето – на жешко, а се губат на студено -по дожд.

Оваа фатаморгана во операција за искривување на вистината и точните информации започна во летот 2019 година во некој ПР-подрум.

Со маки и блокади, веќе тешко се одржува ова лето – 2021, а ќе мора да исчезне на влажното и студено време што ќе дојде многу бргу.

Ќе ги објавам сите докази, откако ќе помине овој привид во фатаморганата.