Последното зелено паркче кај Хотел Јадран се бетонизира, наскоро никнува нова петкатница

Во паркот кај хотел „Јадран“ на само неколку метри од порта Македонија и Плоштадот ќе се гради зграда со приземје, 5 ката и поткровје. Ова е последната зелена површина останата во овој дел од Мал ринг, која сега ќе се бетонизира, а од неодамна истата е заградена од страна на инвеститорот.

Инаку овој случај се провлекува уште од владението на предходниот градоначалник на Општина Центар каде тој на 2 ноември неколку дена пред да замине од функција преку информатичкиот систем е-одобрение за градба издава дозвола за градба на фирмата „Сколимекс“. Во решението испратено до жителите на соседните згради стои доколку во рок од 15 дена не се поднесе жалба дозволата за градба станува правосилна.

За овој случај досега на неколку пати од кабинетот на градоначалникот Горан Герасимовски информираа дека дозволата е издадена од неговиот претходник Саша Богдановиќ а сите нејаснотии на јавноста досега беше известена јавноста за сите почнати постапки за добивање градежни дозволи. Во меѓувреме ексградоначалникот Саша Богдановиќ исто така постојано посочуваше дека тој не потпишал никаква дозвола односно дека таа се потпишува откако решението ќе стане правосилно, а додека тој бил на функција процесот бил почнат и се одвивал преку електронскиот систем.

Целиот текст на слободен печат