Почина актерот Тајлер Кристофер на 50 години, поранешен сопруг на Ева Лонгорија

Почина американскиот актер Тајлер Кристофер на 50-годишна возраст од срцев удар, пренесува „Варајети“.

Тајлер беше најпознат по улогата на Николас Касадин во серијата „General Hospital“ на „Еј-би-си“.

Веста за неговата смрт на својот инстаграм-профил ја објави неговиот колега Морис Бенард.

„Со голема тага ја споделуваме веста дека почина Тајлер Кристофер. Тајлер почина утрово по срцев удар во неговиот стан во Сан Диего. Тајлер беше навистина талентиран поединец кој го осветлуваше екранот во секоја сцена што ја изведуваше и уживаше да им донесе радост на своите верни обожаватели преку својата глума. Тајлер беше слатка душа и прекрасен пријател за сите оние што го познаваа“, напиша Морис.

Покрај улогата во „General Hospital“, Тајлер, работеше и на „Days of Our Lives“ помеѓу 2001 и 2019 година, добивајќи номинација за наградата „Еми“ за главен актер во драмска серија за неговата изведба како Стефан ДиМера.

Тој се оствари и во неколку улоги во филмовите „Shouting Secrets”, „Out of the Black”, „Max Winslow and the House of Secrets”, „Murder, Anyone?” and „Beyond the Lights.”

Инаку, Кристофер беше во брак со ѕвездата на „Desperate Housewives“, Ева Лонгорија од 2002 до 2004 година.